OARSOALDEKO EUSKARA BATZORDEA

Oarsoaldeko Euskara Batzordea eskualdearen berreuskalduntzerako bilgune izateko sortu zen. Lau herrietako ahaleginak optimizatu eta esperientziak trukatzeko asmoz eratu zen. Plan estrategikoa egina du batzordeak, eta egun, plan horretako zenbait egitasmo garatzen ari da.

Euskara batzordeak Oarsoaldeko Euskara Zerbitzua eratu du tresna baliagarritzat, eta zerbitzu hau arduratzen da Euskara Batzordeak harturiko erabakiak gauzatzeaz eta bitartekoak kudeatzeaz. Euskara Zerbitzuak hizkuntz normalizatzaile bat du bertan lanean. Zerbitzu hau herritarrei zabalik dago, bai merkatariei, bai norbanakoei hizkuntzaren inguruko zeinahi zalantza edo kezka argitzeko. Oarsoaldeko Euskara Zerbitzuaren funtzionamendua guneka edo batzordeka egituratua dago. Lau herrietako eragileak alorka biltzen dira teknikariekin eta sektorearen plana egiten dute. Plan hauetatik eratorritako egitasmoak abian jartzea izaten da hurrengo erronka. Egitasmoek askotan alor bat baino gehiagoko eragileak ukitzen ditu, eta hala euskararen sarea hedatzeko bideak jartzen ditugu. Informazioa, koordinazioa eta elkarlana dira gure leloak.