Gaurkotasun albisteak eta Ekitaldiak

Haur eta gazteei zuzenduriko kirol eskaintza osoa euskaraz izan dadin oarsoaldeko udalek hartutako konpromisoa berretsi dute atzoko agerraldian

 Kirol klub edo elkarteen eskaintza euskaldundu beharra dago orain

Atzo Errenteriako Udaletxeko biltzar aretoan egin zen prentsaurrekoan, Julen Mendozak (Errenteriako alkatea), Aiora Perez de San Romanek (Oiartzungo alkatea eta Oarsoaldeako lehendakaria), Amaia Agirregabiriak (Pasaiako alkatea) eta Ainhoa Zabalok (Lezoko alkatea), lau udalek 2008an hartutako konpromisoak berretsi dituzte, eta eskualdeko lau udalerrietan kirol eskaintza osoa euskaraz izateko urratsak egiten jarraitzera animatu dute. 

Oarsoaldeko Euskara Batzordeak okindegi-gozotegietan hizkuntz paisaia aldatzen du

“Establezimendu batera sartzen garenean, ikusten den aurreneko gauza produktuari buruzko informazioa ze hizkuntzatan idatzia dagoen da. Beraz oso garrantzitsua da hizkuntza paisaia (errotulua, jendaurreko idatziak, oharrak, establezimenduko elementuak…) euskaraz egotea zeren eta, dudarik gabe, horrek berak bezero euskaldunek euskara erabiltzea erraztuko baitu”. Modu honetan, Oarsoaldeko Euskara Batzordeak Oarsoaldeako merkataritzan euskararen erabilera eta normalizazioa sustatzeko ekimenak aurkeztu zituen.

Oarsoaldeko lau udalak, Euskara Batzordearen bitartez, 16 urte daramatzate Merkataritzan eta Ostalaritzan euskararen normalizazioa sustatzeko elkarlanean.

MINTZAGUN JAIA EGINGO DA LARUNBATEAN ERRENTERIAN. Oarsoaldeko euskara ikasleen lehenengo jaia eguerdiko 12:00etatik arratsaldeko 18:00etara egingo da zumardian

Euskara ikasten ari direnei erabiltzeko aukerak eta guneak erraztea helburu duen Mintzagun egitasmoaren testuinguruan antolatu dute egun osoko festa eskualdeko euskaltegiek, Lau Haizetarak eta Oarsoaldeko Euskara Batzordeak.

Jaiari, gustu guztietarako ekintzak izango dituenari, eguerdiko 12:00etan emango zaio hasiera Errenteriako udaleko euskara zinegotziak herrira hurbildutakoei zumardian egingo dizkien ongietorri hitzekin.

12:30etan Herriko Enparantzatik parte zaharrean barrena bi bisita gidatu abiatuko dira eta handik ordu erdira beste bi. Bisita hauek Errenteriako udal euskaltegiko eta Xenpelar AEK-ko bina ikaslek gidatuta egingo dira.

Era berean, 12:30ean ere Flashmoba egingo da zumardian, Irrien Lagunak Oarsoaldean kantuarekin eta dantzarekin.

OARSOALDEA, ESKUALDE HEZITZAILEA. Francesco Tonucci pentsalari, marrazkilari eta psikopedagogo italiarra eskualdera dator bixitan

Oarsoaldeko Irrien lagunok denbora daramagu, aisialdi parte hartzaile eta hezitzailea antolatuz bailarako herrietan. Orain, maiatzaren 10ean eta 11n “Herri hezitzailea” izenburupean Donostiako Kursaalen egingo diren jardunaldiak antolatzeko esku bat bota dugu. Jardunaldi horietan parte hartuko du Francesco Tonucci (Fano 1941) pentsalari, marrazkilari eta psikopedagogo italiarrak. Tonucci irakasleak, Frato ezizenez ere ezaguna denak, ospe handia hartu zuen “Haurren hiria” proiektuarekin. Helburu nagusia hiria haurren ikuspegitik eraikitzea zen, eta izandako arrakastaren ondorioz munduko beste hainbat lekutara zabaldu zen egitasmoa.

Motxian Eby mezu lehiaketako sari-banatze ekitaldia. Lehiaketan, Oarsoaldeko eta Buruntzaldeko euskara zerbitzuen artean antolaturikoa, 175 pertsona baino gehiagok hartu dute parte

Atzo Buruntzaldea eta Oarsoaldea eskualdeak antolaturiko Motxian Eby mezu lehiaketako sari-banatze ekitaldia egin zen. Lehiaketan 12-16 urte bitarteko 178 neska mutilek parte hartu dute denera, horretarako 140 karaktere inguruko mezu bat bidali behar izan dutelarik honako galderari erantzunez: mezu bat jaso duzu: “zmz atzokoa?”