Sentsibilizazio Kanpainak

Aste Berdea

Ekainaren 5ean ospatzen den mundu egunaren inguruan antolatzen da, eta gaiari loturiko mundu mailako balantzea egiteko erabiltzen da. Adibiderik aipagarrienak honako hauek dira: airearen kalitatea txarra da, urak poluituak daude, energia asko xahutzen da...Pertsonak kontzientziatu asmoz, hainbat hitzaldi, erakusketa eta bestelako ekitaldiak antolatu ohi dira.

Aste Berdea urtero topaketa-gunea da eta Eusko Jaurlaritzako Lurralde Antolamendu eta Ingurumen Sailak sustatzen du IHOBE Ingurumena Kudeatzeko Sozietate Publikoaren bidez.

Bertan ingurumenari buruzko aukerak, ezagutzak eta esperientziak truka daitezke. Jardunaldiak, adituen guneak, lehiaketak, festak eta sariak ingurumenari buruz ideiak eta aukerak trukatzeko eta kooperazioa lortzeko erabiltzen dira. Ildo horri jarraiki, jarduera teknikoak eta ludikoak konbinatzen dira.

Aurreko edizioetan Aste Berdeak helburuak Europako Elkartekoekin bateratu ditu eta Europa osoan garatzen diren “Green Days? izenekoaren zati izan da:

Argibide gehiago nahi izanez gero sartu Ingurumena.net-en

ASTE BERDEA 2008

Airearen kutsadura, aldaketa klimatikoa, hondakinen sorrera,... horiek guztiak funtsean gizakion jarduerak sortutako ingurumen arazoak dira eta guztiok pairatzen ditugu ondorioak, baita Oarsoadean ere!. Hori dela eta, aurtengoan ere Oarsoaldeko Udaltalde 21ek Ingurumenaren Nazioarteko Egunarekin bat egin du gure eskualdeko natura ondarea ezagutu eta errespetatzeko, eta hondakinen murrizketa zein berrerabilpena sustatzeko antolatu duen ekintza sorta baten bidez. Informa zaitez eta parte hartu!

Telf: 900 507 088
e-mail: agenda21@oarsoaldea.net

EGITARAUA

Aste berdea 2007

Kutsadurak, natur baliabideen kontsumoak, obra eta azpiegitura handiek,…ingurumenari kalte egiten diote, eta gure inguruko gune naturalak nabarmenki murrizten dituzte. Lur planetaren hondatze honen erantzule garen neurrian, gizakiok Lurra babesteko eginkizuna dugu.

Gure ingurunean gizakiok dugun eraginaz jabetu eta gure ohiturak aldatuz etorkizun hobea bermatzeko asmoz, urtero Aste Berdea ospatzen da. Ekainaren lehen astean, eta ekainaren 5eko Ingurumenaren Mundu Egunarekin bat eginez, herrialde asko batzen zaizkio Europatik datorren mugimendu honi, alegia, Green Days deritzonari.

Udaltalde 21 Oarsoaldeak, bailara osatzen duten lau udalerriekin batera -Errenteria, Lezo, Oiartzun eta Pasaia-, eta Agenda 21en inguruko ezaugarri nabarmenenak azaldu eta eskualdeko natur balioak ezagutarazi asmoz, zenbait ekimen eta jarduera antolatu ditu:


• Eskualdeko enpresentzat zuzenduriko gida banatuko da, bai langile zein enpresa arduradunei eguneroko kontsumo ohiturek dakartzaten ondorioak ikustarazi asmoz: elektrizitatea, ura, hondakinen ekoizpena…
• “Heldu kontsumo iraunkorrari? izeneko liburuxka bat zabalduko da udaletxe, liburutegi eta bestelako herri-guneetan. Gida honetan, zenbait aholku jasotzen dira, lan gehigarri bat izan gabe, gure kontsumo ohiturak hobetu eta ingurumenarekiko errespetua sustatzeko.
• Oarsoaldea eskualdean natura ikuspegitik interes bereziko zenbait gune daude, esaterako; Aiako Harria eta Jaizkibelgo GKE (Garrantzia Komunitarioko Eremua). Bi gune hauek ezagutu asmoz, bi irteera proposatzen dira; lehenak Jaizkibelgo GKE izango du helburu, eta ekainaren 10ean (igandea) izango da. Aiako Harrira bisita egin nahi duenak hurrengo igandean izango du aukera, ekainaren 17an. Bi txangoetarako elkartze ordua goizeko 10etan ezarri da, eta abiapuntu gunea elkartzen garen pertsonen arabera erabakiko da. Irteeretarako izen emateak 900 507 080 doako zenbakian edo agenda21@oarsoaldea.net e-mailaren bidez egiteko aukera dago.
• Udaltalde 21 Oarsoaldearen komunikazio materiala eta herri bakoitzaren Agenda 21aren egoera azalduko duen erakusketa ibiltaria antolatu da. Eskualdeko lau udalerrietan izango da erakusketa ikusteko aukera, ondoren aipatzen den datetan;

-Errenteria: Xenpelar Aretoan uztailaren 2tik 8ra -Lezo: Kultura aretoan uztailaren 9tik 15era

-Oiartzun: Manuel Lekuona liburutegian uztailaren 16tik 21era

-Pasaia: P. San Pedroko kultura aretoan, ekainaren 25etik uztailaren 1era.

• Inguruko landarediari buruz dugun ezagutza mugatua da, batez ere, gaur egun herri eta hiriekiko dugun lotura estua dela-eta. Garrantzizkotzat jotzen dugu, hortaz, jakintza hau geureganatzea eta guztion gai honekiko sentsibilizazioa bultzatzea. Asmo honekin, Aste Berdean eta ekainean zehar zenbait ikastaro eta irteera antolatu dira Aranzadi Zientzia Elkartearen eskutik. Ikastaro/irteera hauetan izen emateko 943 466 142 telefono zenbakira dei daiteke. Oarsoaldean, ekimen hauek ondorengo egunetan gauzatuko dira:

-Lezo: Ikastaroa ekainaren 14an, 19etatik 20:30etara, Kultura Aretoan. Irteera larunbatean, hilaren 23an

-Oiartzun: Ikastaroa ekainaren 6an 19tik 20:30etara Manuel Lecuona Liburutegian. Irteera larunbatean, hilak 9an

-Pasaia: Ikastaroa ekainaren 20an, 19etatik 20:30etara, Victor Hugo Etxean. Irteera larunbatean, hilaren 23an

Aurten Aste Berdea ekainaren 4tik 10era bitartean ospatuko bada ere, aipaturiko sentsibilizazio ekimenak ekaina eta uztaila bitartean ere izango dute jarraipenik. Honenbestez, Udaltalde 21 Oarsoaldeak, antolatu diren ikastaro, irteera eta bestelako jardueretan parte-hartzera gonbidatzen zaitu.

Mugikortasun Astea

Irailaren 16tik 22ra Mugikortasun Iraunkorraren Astea egiten da hurrengo gaiari buruz taldean kontzientzia hedatzeko eta hausnarketarako gonbita luzatzeko: gizartean nahiz indibiduoan mugitzeko moduak duen inpaktua. Eztabaidak, hitzaldiak, tailerrak eta bestelako jarduerak antolatzen dira eta Asteak hiri-mugikortasunaren eredu berria sustatu nahi du. Eredu horretan autoak protagonismoa galdu behar du bizikletaren, garraio publikoaren eta oinezko joan-etorrien alde. Mugikortasun iraunkorraren alde gure lanak administrazioen lanak bezainbeste garrantzi du. Horregatik, eraginkortasunez parte hartzeko gonbita luzatzen dizuegu. Mugikortasun Iraunkorraren Asteari dagozkion Helburuak:

- Hiri-garapen iraunkorrarekin bat –bereziki, airearen kalitatea babestea, negutegi-efektuko gasen igorpena prebenitzea eta energi baliabideak arrazoiz kontsumitzea- autoaren erabilerarekin zerikusia duen hiritarren portaera sustatzea.

- Garraioaren ingurumen-inpaktuei buruz hiritarrak sentsibilizatzea eta inpaktu-modalitate desberdinei buruz informatzea.

- Hiritarrek autoarekiko hautazko garraio-bitartekoak erabil ditzaten, aukerak gehitzea.

- Ingurune osasuntsuan eta lasaian hiriaz, jendeaz, kultur ondareaz berriz ohartzeko hiritarrei aukera eskaintzea.

MUGIKORTASUN ASTEA 2007

Urtero bezala, Europako Mugikortasun Iraunkorraren Astea ospatuko da Oarsoaldean irailaren 16tik 22ra bitartean. 2007ko edizio honek tokiko agintariak autoentzako guneak eta bideak, motorrik gabeko trafikoari egokitzera animatu nahi ditu, eta aldi berean, tokian tokiko airearen kalitatea hobetzeko beharra azpimarratu. Izan ere, egungo garraio ereduak airearen kalitatean eta oro har, herri eta hirietako biztanleen bizi kalitatearengan duen eragin bortitza Europar Batasunaren eta bertako Estatu kideen kezka nagusietako bat da.

“Kaleak guztiontzat” leloaren atzean argiro adierazten da, autoentzako azpiegituren ugaritzea ez dela gure gizartearen garraio arazoak konpontzeko bidea. Are gehiago, azken urteotan herri barruko zein kanporako mugimenduetan, garraio publiko zerbitzu egokiak eta oinezkoentzako zein bizikletentzako bide seguruak nahi ditugula diote azken inkestek.

Helburu horrekin, Oarsoaldeako Udaltalde 21ek hainbat ekimen antolatu ditu irailaren 16-22 bitartean. Behealdean duzu ekimenen zerrenda.

Eskualdeko Bizikleta Martxa

Astea ondo hasteko, igandean, hilak 16, Oarsoaldeako lau herritan barrena Bizikleta Martxa antolatu da. Pasai San Pedroko biribilgunetik (frontoi parean) goizeko 10etan abiatu eta motora hartuta igaroko da Donibanera. Lezo eta Errenteria alde zaharretik zeharkatu ondoren, Arragua auzoan (Topo parean) Arditurriko bidegorriarekin bat egingo du, izen ematen dion meatzetara iritsi arte.

Martxarekin bat egitea errazteko, elkartze gune batzuk ezarri dira:

-10:00etan San Pedroko biribilgunean (frontoi parean)

-10:20etan Donibane sarrerako biribilgunean (termika parean)

-10:30etan Lezoko Gurutze Santuaren plazan

-10:40etan Errenteriako Herriko Plazan

-10:50etan Arraguako semaforo parean (Elizaldera doan errepide hasieran)

-11:00etan Altzibar auzoan (bidegorrian)

Bizikleta martxa dela eta, jakinarazi nahi dugu mozketa puntualak izango direla zenbait errepideetan: Lezo eta Donibane artean GI-3440 errepidea Lezorako norabidean 10:20-10:30ak bitartean;, GI-2638 errepidea, Altamirako biribilgunean Oiartzun eta Altamira aldeko bideak bizikletak igaro bitartean (10:35); Errenterian, Galizia eta Santa Klara biribilguneak motordun trafikoari itxiko zaizkio bizikleta martxa bertatik pasatzen denean (10:35 eta 10:45); azkenik, Oiartzungo Arragua auzoko biribilgunean GI-2134 eta GI-2132 errepideak moztuak egongo dira 10:50 inguruan.

Garraio Ordutegiak

Intermodalitatea sustatu asmoz, “Oarsoaldean zentzuz mugi hadi!” liburuxka argitaratu dugu. Gure bailarako garraio publiko zerbitzuen ordutegiak, bidegorriak eta informazio gehigarri jasotzen dituen argitalpen hau, herri bakoitzeko udaletxe eta liburutegietan izango da eskuragarri. Ordutegiak formatu digitalean eskuratzeko sakatu hemen.

Mugikortasun Lehiaketa

Mugikortasun Iraunkorraren inguruan lehiaketa antolatu da webgunean honetan. Zuzen erantzun galdetegia (sakatu bertan) estekan aurkituko duzun galdera sorta eta bidali iezaguzu agenda21@oarsoaldea.net helbidera edo utzi zuregandik hurbilen duzun Postontzi Berdean irailaren 30a baino lehen. Jasotako erantzunen artean hiru bizikleta zozketatuko dira. Anima zaitez eta parte hartu!

Ingurumen jolasak

Ingurumen hezkuntzak duen garrantzia ikusirik, herri bakoitzean ekitaldi sorta bat prestatu da gerturatzen den orok jolasen bidez inguruko ingurumen arazoez jabetu eta erantzukizunez jokatzen ikasteko. Jarraian herri bakoitzerako eguna eta ordua zehazten dira (jolasen iraupena 3 ordutakoa izango da):

-Errenteria: irailaren 17an, arratsaldeko 5etan, Esmalteria plazan.

-Lezo: irailaren 20an, arratsaldeko 5etan, Saldise plazan (euria egingo balu, Bekoerrota polikiroldegian)

-Oiartzun: Irailaren 18an, arratsaldeko 5etan, Done Eztebe plazan (euria egingo balu, Elorsoro polikiroldegian)

-Pasaia: Irailaren 19an, arratsaldeko 5etan, Donibaneko frontoian.

Bizikletan ibiltzeko ikastaroa

Bizikletan ibiltzearen onurak aski ezagunak dira; kutsadura murriztu, osasuna hobetu… Baina guztiok ez dugu garraio mota hau erabiltzen ikasteko paradarik izan. Hori bada zure kasua, irailaren 17tik 22ra, goizeko 10etatik 12etara, Azkueneko pistan, Trintxerpe Kirol Elkarteak antolatuta, pertsona nagusiei zuzendutako bizikletan ibiltzeko ikastaroan izena eman dezakezu, 900 507 088 doako telefonoan edo agenda21@oarsoaldea.net posta elektronikoan Oarsoaldeko Udaltalde 21ekin harremanetan jarriz. Izen-emate epea irailaren 16an amaitzen da.

Oinezko eta bizikletentzako martxa Oiartzunen

Aurtengo leloarekin bat egiteko asmoz (“kaleak guztiontzat”) eta kaleak guztiontzat direla aldarrikatzeko, larunbata goizaldean (irailaren 22an) Oiartzunen haur jolasak antolatu ditu Oiartzungo udalak Elizalde Haur Eskola eta Institutuko eta Haurtzaro Ikastolako txikienentzat. Gainerako ikasle eta herritarrentzat bizikleta martxa bat egingo da herrian zehar. Bizikletarik ez dutenek oinezkoen martxan parte hartu ahal izango dute.

MUGIKORTASUN IRAUNKORRAREN ASTEA 2008

Urtero bezala, Europako Mugikortasun Iraunkorraren Astea ospatuko da Oarsoaldean irailaren 16tik 22ra bitartean. Aurten Europako Batzordeak aukeratutako leloa "Aire garbia denontzat" izabik, 2008ko edizio honek tokiko agintariak zein herritarrak eguneroko joan-etorrietan gure herri eta hirietako airearen kalitatea hobetzen lagun dezaketen neurriak martxan jartzera animatu nahi ditu. Izan ere, egungo garraio ereduak ingurumen arazo ugari sortzen ditu, horien artea; kutsadura atmosferikoa eta aldaketa klimatikoa azpimarra daitezkeelarik. Kontuan hartu behar da motordun ibilgailuen ihes-hodietatik igortzen diren gasek herri eta hirietako airearen kalitatearengan eragin zuzezena dutela, eta ondorioz, herritarren bizi kalitatearengan.

"Aire garbia denontzat" leloaren atzean argi eta garbi adierazten da, autoentzako azpiegituren ugaritzea ez dela gure gizartearen garraio arazoak konpontzeko bidea. Are gehiago, azken urteotan herri barruko zein kanporako mugimenduetan, garraio publiko zerbitzu egokiak eta oinezkoentzako zein bizikletentzako bide seguruak nahi ditugula diote azken inkestek. Horrela, orain arte 100 udaletik gora egin du bat sentsibilizazio kanpaina honekin eta urtetik urtera geroz eta elkarte, sindikatu eta enpresa gehiago atxikitzen zaio mugikortasun iraunkorraren aldeko ekimen honi.

Oarsoaldea eskualdean esaterako, Errenteria, Lezo, Oiartzun eta Pasaiako Udalez gain, besteak beste, Oarsoaldeko Kalapiek eta Trintxerpe Atletiko Klubak bat egin dute Oarsoaldeko Udaltalde 21ek antolatutako ekintza sortarekin.

Anima zaitez eta parte hartu antolatutako ekimenetan!

Bizikletan ibiltzeko ikastaroa

Bizikletan ibiltzearen onurak aski ezagunak dira; airearen kutsadura murriztu, osasuna hobetu...Baina guztiok ez dugu garraio mota hau erabiltzen ikasteko paradarik izan. Gauzak honela, Trintxerpeko Atletiko Kluba elkartearen ekutik, bizikletan ibiltzek ikastaroa antolatu du Oarsoaldeko Udaltalde 21ek. Ikastaroaren irauena 8 egunekoa izango da (astelehenetik ostegunera, irailaren 15ean hasita eta 25ean amaituta) eta egunean ordu eta erdikoa eskolak emango dira. Ordutegiari dagokionez, interesa duenak honako ordutegietako bat aukeratu beharko du: 10:30etatik 12:00etara edo 15:00etatik 16:30etara. 

Oarsoaldeko udalerri bakoitzeko gehienez 2 ikastaro antolatuko dira (gehienez 8 ikastaro eskualde mailan). Ikastaro bakoitzak aurrera egiteko, ezinbestekoa da gutxieneko taldea osatzea; talde bakoitzean gutxienez 5 pertsona eta gehienez 10 pertsona. Udalerriren batean taldea sortuko ez balitz, eta beste udalerrietan jendea itxaron zerrendan geratuz gero, pertsona horiekin talde gehigarri bat osatzeko aukera egongo litzateke (kasu horretan, beraz, udalerri bakoitzeko 2 talde baino gehiago sortuz).

Ezinbestekoa da izena ematen dutenak adin nagusikoak izatea (18 urtez gorakoak). Ikastaroa doakoa da. Dena den, izena ematean 12€ aurreratu beharko dira eta ikastaroa amaitzean itzuliko zaizkio ikasleari. Izena emateko azken eguna irailaren 12a izango da, arratsaldeko 5etan.

Ikastaroko argazkiak

1   2   3   4   5   6   7   8   9   10   11   12   13   14   15   16   17  

18   19   20   21  

Eskualdeko Bizikleta Martxa

Irailaren 21ean goizean (igandea), azken urteetan egin dugun moduan, eskualdekoan zeharreko bizikleta martxa aurrera eramango dugu. Bizikleta martxa Trintxerpen 10eta hasi eta Oiartzungo Arditurriko meatzetan amaituko da 12:30ak inguruan. 

Aurten berrikuntza moduan, martxara bizikleta eramaterik ez duten pertsonek lau udalerrietan jarriko diren bizikletak maileguan hartzeko posturen batetan bizikleta alokatzeko aukera izango dute dohainik (martxa amaitzean hartu duten postura itzuli beharko dute bizikleta), baina lehenago postuan egon den arduradunaru izen-abizenak eta NANaren zenbakia eman beharko diote.

Martxarekin bat egitea errazteko, honako elkartze guneak ezarri dira:

  -10:00etan Trintxerpeko Alkateordetzan. Ondoan dagoen plazatxoan bizikleta mailegurako postuetako bat ipiniko da eta bizikleta maileguan hartzeko ordutegia 9:45etatik 10etara izango da

  -10:10eta San Pedroko frontoian (biribilgunean). San Pedrotik Donibanera txalupan igaroko gara.

  -10:30etan Donibaneko sarrerako biribilgunean (termika parean)

  -10:40etan Lezoko Gurutze Santuaren plazan. Bizikleta mauleguan hartzeko bigarren postua Euskal Herria plazan jarriko da 10:15etatik 10:30etara.

  -10:50etan Errenteriako Herriko plazan. Errenterian bizikletak maileguan hartzeko 2 postu ipiniko dira; lehena Herriko plazan (10:30etatik 10:45era bitartean) eta bigarrena Fanderia auzoan (10:30etatik 10:45etara), Arditurriko bidegorrira sartzeko zubiaren ondoan.

  -11:00etan Ugaldetxo auzoan (Matteo jatetxearen ondoan)

  -11:10etan Altzibar auzoan (bidegorrian)

Bizikleta martxako argazkiak

1   2   3   4   5   6   7   8   9   10   11   12   13   14   15   16   17   18   19   20   21   22   23

Modu eraginkorrean gidatzeko ikastaroa

Oiartzungo autoeskolekin batera, Oarsoaldeko Udaltalde 21ek bere eguneroko lanean autoa erabili behar duten udal langileei zuzendutako ikastaroak antolatu ditu (hiri-mantenuko langileak, udaltzaingoa, basozainak, etab.).Ikastaroan parte hartuko duten udal langileek, lau ordutako ikastaroan modu eraginkorragoan gidatzen ikasteko aukera izango dute.

Oinbusa Oiartzunen

Oiartzungo Haurtzaro Ikastolak eta Elizalde Eskola eta Institutuak, Eskolako Agenda 21 proiektuaren baitan Oinbusa ekimena abiarazi zuten 2007/08 ikasturtean.
Aurten, irailaren 22an ospatzen den Autorik Gabeko Egunean, ekimen berari heldu nahi diote Oiartzungo Udalak eta herriko ikastetxeek, alegia, eskolara hurbiltzen direnek autoa etxean utzi eta eskolara oinez (Oinbusean) gerturatzea.